AZAROAK 27
Gaur niri egokitu zait
aurkezpena egitea eta egia esanda, ez naiz bat ere urduri egon. Aurkezpen
honetarako klase aurrean hitz egin beharrean, egin duguna izan da bideo bat
egin eta gainetik gure ahotsak garbatu beraz, ez dugu klase osoaren aurrean
hitz egin behar izan.
Bideoa egiteak, denbora
nahikotxo eraman digu, gaiarekin loturiko argazki aproposak topatu behar izan
ditugulako eta montaje osoa egitea ez delako erraza izan. Bideoa, deigarria
egiten saiatu gara, entzuleen arreta deitzeko asmoz, horregatik bideo bukaeran
gaiari loturiko komiki barregarri txiki bat jarri dugu hausnartzera bultzatuz.
Aipatzekoa da, nahiz eta
klase kide guztiak ez etorri, egia da jende nahikotxo egon garela gaur klasean eta
denbora oro adi egon direla edo isilik behintzat, eta hori eskertzekoa da lan
bat aurkezten zaudenean.
Nire taldearen ostean, beste
pare bat aurkezpen egin dituzte gai beraren inguruan, “Eskola 2.0” eta aurkezpenetatik aipatu beharreko
gauza bat da, talde batek erabilitako baliabide tekniko berria, Powtoon. Orain arte ez du inork erabili
eta eskertzekoa da originaltasuna, zerbait berria denez arreta deitzen dizulako
eta adiago zaudelako. Hain beste aurkezpen antzekoren ondoren, kostatzen da
arreta mantentzea baina baliabide desberdinak erabiltzea oso metodo ona iruditu
zait eta gehienen arreta lortu dute.
iruzkinik ez:
Argitaratu iruzkina