URRIAK 30
Irakasleak
jarritako“Visiones disruptivas de la educación” bideoak
gaurko egunari sarrera eman dio. María Acaso arte ederretako irakasleak
egindako bideoa da eta bertan, hezkuntza-sistemak behar dituen aldaketa
metodologikoak salatzen ditu. Hona hemen bideoko ideia nagusiak:
·
Boterea:
etorkizuneko irakasleak bezala, sistema autoritario batetik sistema demokratiko
batera igarotzen saiatu beharko genuke gure geletan. Horretarako, bi figuren
interakzioa ezinbestekoa da; alde batetik, ez-irakaslea eta bestetik, ez
ikaslea. Modu honetan, ez-irakasleak, botereari uko egin beharko dio eta
ez-ikasleak, boterea onartu beharko du.
·
Ikusezina:
era automatikoan lan egiteari utzi
eta era erreflexiboan lan egiteari ekin beharko genioke. Horretarako, gure
pedagogia ikusezinak aztertu beharko genituzke. Ez dugu inoiz ahaztu behar
nortzuk garen, zein den gure irakasle espazioa eta zein da gure diskurtsoa.
·
Denbora
eta espazioa: espazio eta denbora
zurrunak apurtu beharko genituzke, gelak espazio flexibleak bilakatuz,hau da,
ormak pertsonalizatu, gelan jaten, musika jarri, teknologia berriak erabili …
·
Informazioa:
gelara eraman beharko genuke kanpoan dagoen guztia baldin eta
umeen interesa bada: musika, arte
garaikidea, antzerkiak, fotografia …
·
Ezagutza:
ezagutzari dagokionez, ikaslea
hartzaile izatetik ekoizle izatera igaro beharko lirateke. Horretarako, proiektuetan
oinarritutako metodologiarekin lan egin beharko genuke.
Mariak
bideoari bukaera emateko, hiru galdera botatzen ditu hausnarketa modura:
1.
Irakaskuntza
prozesuaren inguruan benetan hausnartu duzu?
2.
Metodologiak
aukeratzerako orduan, era librean eta askatasunez erabaki dituzu edo tradizionalki erabiliak izan
direnak hautatu dituzu?
3.
Metodologia
berritzaileak erabiltzen dituzu?
Bideoa
ikusi ostean, gurpil metodologiarekin hasi gara lan egiten. Talde bakoitzari
hainbat testu eta bideo egokitu zaizkio eta horiek lantzea eta aurkezpen bat
egitea da egin beharreko lana. Guri hain zuzen ere, gazteleraz idatzitako hiru
testu egokitu zaizkigu, “Eskola 2.0”-ren gaia lantzen dituztenak, alegia. Egia
esanda, era bat galduta gaudenez ez dugu gehiegi aurreratu. Alde batetik,
kostatu zaigu taldetan biltzea klaseko espazioa dela eta, beraz, denbora galdu
dugu eta bestetik, metodologia berri hau ez dugunez oso ondo ulertzen, gure
burua aurkitu arte ezinezkoa zaigu hastea.
iruzkinik ez:
Argitaratu iruzkina